Pagina:Decurtins - Rätoromanische chrestomathie, IV.djvu/433

Da Wikisource.

Spruch 425

digl present Articul, suenter aver pridas las manglusas ìnformaziuns, ed examinadas las ruschuns dellas Parts, senza che igl refierer in tal puing hagi d’impedir l’execuziun da quest nies spruch.

9. o A per igl pli suenter, cut tuttas ansemen las Vischnauncas digl Cumin gron da Mustê ansemlamein, a bucca solettamein qualtgina particulara sa risolvessen da sametter vi tier aigl partiu da sa comprar or en perpetten della obligaziun della Dieschma, sco si sura, &c. scha prefigein, a dein ad ellas tschiun termins, en igls quals seigin obligadas da pagar con daners contai della valera, à moneida corrente en las Ligias la suma da Capital da Reinschs 38060, x. 40, secund la taxa, à specificaziun da Nus si sura dada, quei ei igl emprim termin sin l’antschiatta digl Onn, ch’ha da vignir 1738, sin la quala vegnen a pagar R. 6060, x. 40, auncalura senza interess, ò tscheins della summa digl Capital. Il secund sin l’antschiatta digl Onn 1740, sin quella vegnen a pagar R. 8000, ensemlamein con igl interess della suma restada igl 1738, a raschiun da 4, per tschient. Il tierz sin l’antschiatta digl Onn 1742, sin la quala vegnien a pagar auters R. 8000, ensemen con igl tscheins schon taxau della summa digl Capital digl 1740. Il quart sin l’entschiatta digl Onn 1744, sin quella vegnien medemamein a pagar R. 8000, con igl interess digl restant Capital digl Onn 1742, en la maniera sco si sura &c. Il quint, a pli suenter termin digl complein pagament ven ad esser finalmein l’entschiatta digl Onn 1745. sin quella vegnien a sborsar ora alla Claustra ils restans R. 8000, ensemen con igl siu interess per complanir la somma totala determinada da Nus si sura.

Cur bucca tuttas ansemen, à generalmein, mo solettamein qualtgina dellas numnadas Vischnauncas en particular, lessen sa comprar ora, dein Nus en tal caas à quellas, ca sa risolvan da sa liberar, ils termins, è per igl pagament della lur rata part della Summa digl Capital, à per ils Tscheins proporzionai en la maniera gist avon messa ora, auncalura con quest, ca ina, a scadina, quala vegli sa comprar ora independentamein dellas autras, seigi obligada en ils termins sur numnai mintgia gada da pagar la quinta part della sia rata proporziun della summa digl Capital secund la partiziun da Nus faitgia en igl present spruch.

En igl cas contrari allura, a nuua tutt igl Cumin, o qualca Vischnaunca en particular, sco si sura, &c. o lessen buc sa comprar ora [f. 6a] en la maniera da Nus prescritgia, o vegissen a mouncar en ils termins da Nus dai da sborsar las summas determinatas, ensemlamein con igl interess en la maniera da Nus dete[r]minaus, daventi quei sutt tgei sort da titel, sgisa, excepziun, recurs, pretenziun enconter, o d’auter partartgeivel pretex, declarein, a pronunzien ussa per allura, ca igl numnau Cumin, e sias