 |
Questa pagina è stata trascritta e formattata, ma deve essere riletta. | |
| Furmas dils Saraments | 41 |
4. Wus vangits er ad angirar, ca cur ca vus sasessas a Truvament ca sin vus vangiss la spartgida, scha duveigias dar quella nua ca a vus sumelgia ilg pli dreg a pusseivel, per viess sarament:
5. Vus vangits er ad angirar da schirmiar veuas ad orfens, ca els possien vangir a rumaner tiers tut [p. 47] quei c’ils auda cun dreg a raschun, suenter viess melgier saver a puder;
6. Vangits er ad angirar, ca cur ca vus vangits dumondai dad ir a stumar per vossa pagailgia, da vangir en velgia, tuttas caussas metter giu s’ilg mender donn a cust, a stumar pilg sarament suenter ilg tschentament della part a diever da niess ludvl Cumin.
7. Vus vangits er ad angirar, ca tgei ca avont vus vangiss, ei seig per scartira ner per bucca, ca fuss da palentar ad offniar, palentar ad offniar, a quei ca fuss da quescher a taner schillau, quescher a taner schillau, je purtar cun vus enten la fossa: a leigias adinna far per cusselg da mes hundrs signurs tont sco pusseivel ei.
8. Plianavont vangits ad angirar da far cun il rich sco cun ilg pauper a cun ilg pauper sco cun il rich; cun il pitschen sco cun ilg grond, cun ilg grond sco cun ilg pitschen; cun ilg jester sco cun ilg dumiesti, cun ilg dumiesti sco cun ilg jester; cun ilg velg sco cun ilg juven, cun ilg juven sco cun ilg velg; cun ilg niebel sco cun ilg nunniebel, cun ilg nunniebel sco cun ilg niebel: a duveits laschar ner per char ner per laid, ner per beinvulgienscha ner per [p. 48] malvulgienscha (ner per gabs ner per schenks) ner per aur ner per argient, ner per naginna autra causa, ca pudess manar giu della via della gistia, mo tuttas caussas far cun bunna fei, suenter viess melgier saver a puder. Scha vus leits far quei scha taneit si treis dets da viess meun dreg a scheit a mi suenter:
Sco jeu vus hai taneu avont cun ils plaids, aschia leigias vus ir a vangir suenter cun ils faigs, a salvar tuttas caussas cun bunna fei, viess melgier saver a puder, aschi pilgver! vus gidig Deus a la sointgia Trinitad.
| [p. 49] | Furma d’ilg sarament, ca ven daus als giraus. |
1. Vus vangits oravont a per ’lg amprim ad angirar, dad esser fei giraus; ilg laud ad hanur da Deus a tut bien gidar demtgiar a taner si, don a zanur, ilg mal gidar taner sut a cassar;
2. Vus vangits er ad angirar, da dregs a frietads d’ilg ludvl Cumin taner si a muntaner;
3. Vus vangits er ad angirar, ca cur ca ilg Mistral vus lai cumondar a dartgira, ner a cusselg, ei seig tard ner bauld, per gi ner per noig, ner cur c’ilg basengs dat, da far bunn’ubadienscha, ir a gidar metter giu tuttas caussas s’ilg mender don a cust;
