 |
Questa pagina è stata trascritta e formattata, ma deve essere riletta. | |
| 506 | Theodor de Castelberg |
viandont.
perdunien meia malschecadat. jeu level turna bein schwend — jeu mavel mo encurren meia tabachèra che jeu sto haver piars cheu entuorn zanua.
Barun.
quei mi displai grondamein. schels vegnessen eun en don cheu tier mei il meister fuss gliez.
viandont.
ui per quei don — grons od sporra fuss quel buch. aber — mussond la barba puspei — considereschien enpau quella respectabla barba.
Barun.
ei han schon mussau ella ina ga. a pertgiei tut quei?
viandont.
jeu vi plyda ply clar — jeu creigiel — aber naa — vi eun retenè mès menigiems.
Barun.
tgiei manegiems — reschdien enpau ply clar.
viandont.
buca fetg. — jeu sundel staus memi eunetgs. a savess maneivel y en èr.
Barun.
els mi metten ply a ply en peina.
viandont.
tgiei tegnen els sin lur fogt?
(f. 14a) Barun.
lubeschien — nus buca myda discuors — hagien la buntad da confida a mi tgiei els crejan — tgiei els manegien — en tgiei els pudessen esser y en èr.
viandont.
la risposta suletta sin meia dumonda d’enson — po mei muenta dat uffnia tut quei ad els.
Barun.
els peia vulten savè oravon — tgiei conzept jeu hagi da miu fogt. a dy la verdat sche jeu — quei che vi da mei veng — tegnel jeu el per in bien galant um.
viandont.
sche glei ascheia — sche sei meglier da metter tut en enblidonza quei che jeu level dy ad els.
Barun.
O bialla — ina barba — manigiems — il fogt — co sai jeu tut quei pusseivlamein combyna ensemen? vai jeu peia nagina urbyda tier els?
