 |
Questa pagina è stata trascritta e formattata, ma deve essere riletta. | |
| Statuts dil Cumin da Trin | 67 |
[f. 11b] A° 1805 ils 23. da xbr. Davart ils pasturs da cumin. Ha ün lud. oberkeit ner üna deputaziun da quel faig anchinas reglas davart ils pasturs da cumin, sin approbatiun d’ilg cumin en furma sco savunda.
1. Ilg starler dei da cou d’anvi schar ir naginna bieschia da parsei ner er pasc antir; mo dei schar ir ilg muvel tut ansemel, a scha quei duvess daventar sco antroquan ussa scha dei per minchia biesck esser falonza ∆ 3. —
2. Dei ilg starler far maner la bieschia sin ilg Ploun la Crusch, suenter ilg tschentament vêlg, sco era maner en quei muleg giu sut da bella aura, a scha quei davantas buc schi dei ilg pastur esser sut fallonza ∆ 2. —
3. Davart ilg dar sal il starler ner vadler, eis ei afflau par bien, da metter ün coutegia ilg qual dei cumprar ent ilg sal a taner bien quint a lura minchia emda duas gadas tarmetter 2 humens par alp, ils quals dein dar ilg sal nunpartaschaunameng, a lura dei ilg pagament d’ilg sal vangir traig giu da quels, 5 baz par biesck.
4. Dei nagin pastur prender bieschia estra, ne elg cumin ner oreifer ilg cumin ner ün vaschin, ca mattess senza dumbrar, schi dei ei esser fallonza ∆ 2. — par biesck; sco era taner quint a dar ent algi obrigkeit quella biesca ca dei pagar arve ilg vadler dei esser obligaus da far maner ils vadels, suenter ilg tschentament vêlg, a particularmeng dei el esser obligaus da far maner 4 emdas sin la Mutta, a scha quei daventass buc, schi dein ils pasturs esser sut fallonza da ∆ 2. —
5. Ilg nurser dei er esser obligaus da bucca puder ir par las alps pli ca treis gis par alp ilg davos a quei en l’inna alp sco l’auter a scha el surpassas schi dei el esser sut fallonza da ∆ 2. —
6. Dei ilg nurser taner ent ilg ault las nursas, a bucca schar star ent ils mulegs, sco era far maner si Sgurschanieus oig noigs, a scha el figes quei buc schi dei el esser sut la surnomnada falonza.
7. Ilg curer a nurser bavalg, a parchier dein esser obligai suenter la tscharna ca ei schon fachia sin cumin, dad ubadir la spissa par lur bieschia sco ün auter vaschin, a quei sut fallonza da ∆ 2. — Sco era esser obligaus da dar ent a gli Oberkeit, scha l’in ner l’auter vaschin less bucca dar la spisa par ilg qual ilg Obrigkeit ven a prender las masiras, ca ean a prender, a scha ilg pastur figes quei bucc, schi dei el esser curdaus fallonza ∆ 1. —
8. Tutta biesca ei seigig nursas ner biesca casa ner da chei sort ca fus, ca ei stada 3 gis cun pastur dei esser obligada da ubadir a lgi pastur a quei sut fallonza da 1 ∆ par chiau a eis ei faig par tschentament, ca
5*
