 |
Questa pagina è stata trascritta e formattata, ma deve essere riletta. | |
| Volksmedizin | 981 |
104. Las lavazas tussegeschan, perquei ch' ellas cuntegnan in cert tissi.
105. Ei dat de duas sorts curetg, il brin e lauter, ins sto duvrar il brin per malsognas.
106. Cun la feglia belladunna vegn ei fatg in the. Quel ei buns de prender giu la dolur, cu glei tard vi e far dormir.
107. Ragischs dei ins cavar denter las Nossadunnas [Nossadunna d' Uost e Nossadunna Settember].
108. Igl atun ei il saft en la ragisch, la stad en la flur.
109. Flurs per medischinas duess ins encurir sil pli tard Nossadunna d' Uost.
110. La geneivra arsa sin cotgla dat bien fried e tegn naven malsognas.
111. In suitg duess ins plantar sper mintga casa.
112. D' il suitg ei tut bien, la flur, la feglia e la scorsa.
113. La flur ei bien per plagas e malsognas, la feglia per quei e per tschei.
114. La flur suitg astg' ins metter denter mintg' auter the; ei dat da treis sorts scorsas suitg: la rucha, la verda e l' alva.
115. La scorsa verda suitg, sch' ins sgara ensi, eis ella buna per far render, sch' ins sgara engiu, fa ella passar.
116. Cun lenn suitg ei sontga Mierta vegnida berschada, perquei numna ins il suitg caglia sontga Mierta.
117. Sin il cries della lausa vesa ins Niessegner vid la crusch; perquei ei la lausa in fretg de gronda vertit, schurmegia de tut mal e schliatta glieut.
118. La flur della lausa ha speciala forza de fugientar il striegn.
119. Las flurs lausa, messas sin tetg, preservan de tun e cametg.
120. Cura ch' ins ha lenn lauser en casa ne en nuegl, po schliatta glieut buca noscher; el preserva de tun e malas auras ton a casa sco ad alp. Ils pasturs, che van ad alp, prendan perquei bugien in fest de lenn lauser cun els.
121. Il lenn lauser dei ins pinar Nadalnotg.
122. Metter caglia lauser en igl er de glin, fa crescher bein igl glin.
123. Il coler ei ina caglia de speciala forza.
124. Nossadunna ha ruasau sut in coler, cu ella ei fugida en l' Egipta.
125. Auters dien, Nossadunna hagi giu in fest coler, cu ella sei ida sur cuolm per visitar sontga Elisabet.
126. Il fest coler ei buns per sturnir siarps; cun treis fridas sa ins mazzar las pli tussegadas; era survescha quel per trer sin striegn: per dar sin
