Pagina:Decurtins - Rätoromanische chrestomathie, IV.djvu/992

Da Wikisource.
984 Volksmedizin

177. Per mal il tgau ei bien jarva tschuora.

178. Per mal il tgau ei bien beiber cafe ner cun zucar.

179. Per mal il tgau ei bien beiber cafe ner cun saft de citrona.

180. Per mal il tgau ei bien metter si clar d’jev.

181. Per mal il tgau ei bien metter si talgias de truffels crius.

182. Per mal il tgau ei bien metter si feglia bargies.

183. Per mal il tgau ei bien de bugnar cun aua frestga.

184. Per mal il tgau ei bien metter si in piez bugnaus cun jschiu de vin.

185. Per mal il tgau ei bien far bogn de peis cun tschendra e sal.

186. Per mal ils dens ei bien tener en latg caul.

187. Per mal ils dens ei bien tener encunter feglia de badugn.

188. Per mal ils dens ei bien tener en agl.

189. Per mal ils dens ei bien tener si tschendra caulda.

190. Per mal ils dens ei bien tener encunter sal barsau.

191. Per mal ils dens ei bien tener en scharun.

192. Per mal ils dens ei bien barsar flurs suitg e metter si en in sitget.

193. Per mal ils dens dil cunauras ei bien metter zucar e peiver ensemen sil den, che fa mal.

194. Per mal ils dens ei bien l’aua della flur mal ils dens.

195. Per mal ils dens ei bien de metter si isiens sil den, che fa mal.

196. Per mal ils dens ei bien de metter si schnecs smaccai cun crosa e tut sil den, che fa mal.

197. Per mal ils dens ei bien schlignar tubac.

198. Per mal ils dens ei bien schlignar negals.

199. Per mal ils dens ei bien far ina veschla cun arbagas e metter si davos las reglias.

200. Per mal ils dens ei bien de metter el den empau raischa de calgier cun amiez peiver.

201. Per mal ils dens ei bien tener aua caulda en bucca.

202. Per mal ils dens dei ins metter crappa de fiug de Rhein egl fiug e schar vegnir caulda l’aua; lura metter la crappa caulda en l’aua e cura l’aua ei caulda, tener l’aua caulda en bucca.

203. Per mal ils dens ei bien tener si buatscha caulda.

204. Per mal ils dens sto ins smaccar empau agl sil puls de mintga maun; quei trai si ina vischigia et il mal ils dens cala si.

205. Il vierm dil den, che caschunava il mal ils dens, vegneva mazzaus cun ina savetscha de caltschiel caulda.