Pagina:Decurtins - Rätoromanische chrestomathie, IV.djvu/995

Da Wikisource.
Jump to navigation Jump to search


Volksmedizin 987 <poem> 262. Per mal il dies ei bien prender vata, metter si ina cambrida entscheins pisau, bognar quei cun vinars campfer e metter si quei encunter il dies. 263. Per mal il dies ei bien metter si ina paisch raischa. 264. Per mal il dies ei bien metter si in etg de raischa, tschera d'aviuls e maguol d' armal turschai ensemen. 265. Per mal il dies ei bien unscher cun ina grossa cutgna de spinal il dies, nua ch' ei fa il pli mal. 266. Per mal il dies ei bien metter si truffels cotgs smaccai fetg cauls. 267. Per mal il dies ei bien metter si ina pial muntanialla. 268. Per mal il dies ei bien metter si la pial dina nuorsa nera, caulda cun la launa anen. 269. Per igl unflau ei bien schunscha piertg caulda. 270. Per igl unflau ei bien metter si flurs gielgia. 271. Per igl unflau ei bien in bogn cun aua de feglia mignuca. 272. Per igl unflau ei bien metter si percumgniau (excrements glieut cauls). 273. Per igl unflau ei bien metter si scrotas bugnadas en the de camella. 274. Per igl unflau ei bien metter si feglia badugn. 275. Per igl unflau ei bien ina buglia d' arschella cun gromma e frina fina. 276. Per igl unflau ei bien metter si feglia farbuns. 277. Per il libereti ei bien metter si pupi de zucar. 278. Per il libereti ei bien metter si spema d' aur. 279. Per il libereti ei bien metter si rauba ded aur. 280. Per il libereti ei bien metter si crestgas salin cauldas. 281. Per il libereti ei bien metter si paletscha alva suitg. 282. Per mal il magun ei bien suppa de carn gaglina. 283. Per mal il magun ei bien magliar in jev smaccau cun crosa e tut 284. Per mal il magun ei bien magliar tschareschas neras bein madiras. 285. Per mal il magun ei bien cafe de glogn. 286. Per mal il magun ei bien vinars d' ensauna. 287. Per mal il magun ei bien penn aisch. 288. Per mal il magun ei bien ragisch renna. 289. Per mal il magun ei bien the de geneivra. 290. Per mal il magun ei bien ragisch dultscha. 291. Per mal il magun ei bien jva melna. 292. Per la melania dei ins prender ina mesa scadiola saft de rieblas cun ina mesa scadiola latg e beiber quei ensemen.