 |
Questa pagina è stata trascritta e formattata, ma deve essere riletta. | |
| 244 | Volkslieder. |
25 Uossa dimena, meis Grischuns,
Ans allegrain e ’ns tgnain fich buns,
Cha nus eschan libers dals tirans
Chi ’ns han causats da spander sang.
E v’ lain rovar per buna pasch,
30 Cha Dieu mantegna tant ’r ils frars,
Chi non vegna plü occasiuns,
Chi saja da trametter battagliuns.
154.
(Annalas XII, Vital, p. 314.)
Nus gnin qui incunter con grand’allegria,
Per podair retschaiver quaista compagnia,
A quels chi eiran da quia passats
E con bleras larmas compagnats.
5 Ma siand cha ’l Segner ha gnü seis destin,
Ch’el ha in cuort temp manà tuot a fin,
Schabain cha nus eiran in granda sculozza,
Stimand, cha las ballas ils mness alla fossa;
Perque sü dimena, giuvens e giuventschellas,
10 Chantain e fain festa con las lodinellas;
Eir quellas svoulan e siglian e chantan
E lodan lur Dieu sainza mai gnir stanglas.
Schi uossa dimena ans ’lain nus far sü,
Compagnar noss scharfschützs ün toc in sü,
15 Infin cha nus eschan aint in nos comün,
E lura güvlerà tuot la giuventün.
Uoss’ans allegrain tuots da compagnia
E ’lain far büman con grand’allegria
Ed ans ’lain allegrar, cha vus sajat rivats
20 E cha ’ls gesuits sun tuots fügiantats.
155.
(Annalas XII, Vital, p. 311 — 312.)
Laschai clingir chant e magöl,
Cha ’ls tuns rebomban fin sün tschel.
La libertà tras uniun,
Legalità ais gnüd’in trun.
