 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 89 |
Christiauns, eis quista, perchie chi’els nun vulaiven, chia füs divisiun u separatiun in l’Imperi, et principelmaing in la religiun, ma chi’ün seguites nomma la religiun de lur vêlgs antecessuors, perchie chia dschaiven, chia la diversited in la religiun mnes cun se grands langs et dabats, que chi nun füs da compurter in ün aredschamaint. Pü inavaunt, chia füssen da spetter sgiüramaint grands inconveniaints et chiastiamaints, scha tuots nun aduressen et clamessen in agiüd lur Dex, suainter lur üsaunza. Ma ls Christiauns nun havaiven sulettamaing in üna vumgia et abominatiuns ls taimpels, ls uthers, [f. 80a] ls sacrificis et ls dex dals pajauns, ma ls schbüttaiven et sgiamgiaiven eir, et perque stuaiven ls indürer bgier. Et cura chia gniva qualchie dischgrazchia sur la citted ù Imperi da Roma, sco tampeste, chialastria, fam, guerra, seditiun, peste, (malatie), ù otras malatias, schi dschaivane ls Romauns, chia que ls gniss tuot per causa dals Christiauns, chi schbüttaiven et faiven vilipendi da lur Dex et da lur servezzen divin. Dürand quista persecutiun da Trajani füt spans bgier saung da Christiauns. Simeon, Uvas-ch da Hierusalem, velg da 120 ans, füt crucifichio, Ignatius, ün excellent serviaint da Jesu Christi et discipel dals senchs Apoastels, füt mno dad’Antiochia, inua chi’el eira Uvas-ch, a Roma preschun et füt bütto avaunt las bes-chias sulvedgias, chi l’sdratschessen. Quist, cura chi’el gniva mno avaunt las bes-chias, dschaiva cun ün anim gienerus: Eau sun ün furmaint dal Segner et sto gnir mulieu dals daints dallas bes-chias, per chi’eau dvainta à mieu Segner ün dutsch et bainsavurieu paun. Quista massacra dals Christiauns füt uschea granda, chia ün guornadur pajaun svessa, cun nom Plinius seguond, scrivet üna chiarta al Imperadur Trajano et rendet testimoniaunza dalla innocenzchia dals Christiauns, et tres quist mez ils Christiauns [f. 80b] havetten ün po d’relasch u arfras-chiamaint. Uschigliœ, taunt co chi pertuochia al regiment politic, vain quist Trajanus zuond fich ludo, chi’el saja sto amiaivel et bening vers ils citadins, hundro dal senat, bainvuglieu dals sudos et tar tuots in grand respett. Cura chia el schantet aint üna gieda ün giüdisch nouf, schi vaine dit, chia el il det aint à maun la speda cun quists pleds: Ve, quista speda drova incunter meis inimichs, et scha tü vezast, chia eau nun fatsch inandret, schi chiastia eir me cun quella. Quist des esser moart in viedi, turnand our dala Persia, dal flüs dal chiüerp, et eis zieva sia moart mis in l’inumber dals Dex.
La quarta persecutiun ho cumanzo suot Adriano et Antonino il prus, schabain chia alchiüns la metten suot Marco Aurelio et Lucio Vero, oters suot Marco Antonino Philosopho. Üngiüna persecutiun, üngiüna paina et turmaint nun eira uschea granda, chia nun l’hegian prueda vi als Christiauns. Quadratus, ün Uvas-ch da Athen, et Aristides Philosophus haun
