 |
Questa pagina è stata trascritta e formattata, ma deve essere riletta. | |
| 98 | Alchiünas Bellas et Nüzaivlas Histoargias |
et tuot ils pœvels stœglian tmair avaunt te et at clamer Arag, et nun eis üngiün, chi t’poassa chiastier per teis ivœls. Da quista ressoluta et animusa respoasta ’s ho Alexander fich smiravglio, et schabe chia el ’s havaiva piglio avaunt se da l’cundanner alla moart, schi l’ho el darchio, per amur da quist ardimaint et bella respoasta, piglio sü in grazchia et l’ho duno la vita.
Nota:
Leders pitschens vegnen mis in chiadainas d’fier, mo ls leders grands faun da grand cun las chiadainas d’or. La vardet spendra suenz bgiers dalla moart.
Fideltet dad’üna Figlia vers seis Bab.
LV.
Cimon, ün zuond velg hom et chianuos dad’Athen, füt per fossas chiüsas pero cundanno alla preschun, chi’el stues murir aluaiut, cioe perschun perpetua. [f. 91b] Üngiüna spaisa nun l’pudaiva gnir purteda aint, ne sus-chiaiva üngiün ir aint tar el, oter co suletamaint sa figlia pera, laquela havaiva à chiesa ün infaunt da tetta. Uschea suenz co chi’ella vulaiva visiter seis bab, gniva ella inprüm visiteda et tscherchieda dallas guargias dalla preschun, aciochia ella nun purtes aint cun se üngiüna spaisa. Siand dimena chia il vêlg vivaiva uschea lœng sainza spaisa, et üngiün nun pudaiva savair, inuonder chi’el ’s vivantes, fetten las guargias pü bain surassen, et chiatetten alla davous, chia la figlia, cura chi’ella giaiva aint tar il bab, il daiva tetta da sia bruost, taunt co ad ün pitschen infaunt, et l’mantgnaiva uschea in vitta. Quist anuncietten las guargias alla superiurited, allaquela plaschet uschea bain la fideltet da quista figlia, chia nun perdunetten sulettamaing la paina al bab, mo dettan eir alla figlia per sia fat üna honorata peja.
Nota:
Chie eis pü appussaivel, co da mantegner taunt co chi’ün po la vitta da quels chi’ün ho arfs[ch]ieu la vitta.
[f. 92a] Davart l’Matrimuni dal Diavel.
LVI.
As legia in ün cudaschet velg, scrit per griegisch anomno Patricon, chia l’diavel ünzacura ’s hegia impisso et ressolt da ’s marider et da gienuir infaunts, ilsquels chi’el pudes marider oura, et uschea trer aint taunt pü bgierra glieud in sieu reginam satanas-ch. Et dimena l’saja
