 |
Questa pagina è stata trascritta e formattata, ma deve essere riletta. | |
| 154 | Cudesch da maschdinas |
Per la buora od madrun.
Compra da igls cromars üna raba chi vain dita gotar, chi es alp et lüscha sc(h)o crastal. Tour in pa da quai taunter vinars pero me in vinars da ginaivra. Opra fina.
Per mal la gula od in boca.
Fa bras-ch(e)ier, piglia bun aschai et suolper et maisda insembal. Lascha dar gio guots in igl bras-chier et ir quel füm aint per boca. Sara subit bön.
Far üt pruva da cavaliers in Franscha.
1. Piglia duos oufs, couscha ls dürs et luhra piglia igl cotschen da queus duos oufs, smachia ls. 2. piglia larch da chiarn püerch taunt co la cula da ün öf et meta pro igls duos oufs, smachia ls insembal. 3. piglia tschaira nouva et meta insembal in üna chiaza, smachia et alguainta insembal. Lascha tour fö 3 voutas. Luhra cula tras ün pez aint in üna taza d aschaj. Sara pruva fina.
Ais bön, scha tü t laschas ardar da agua chiauda od fö od puolvra da schlupet, schi piglia ün toc larch da chiarn püerch et s-chiarlata nouva et lascha alguar igl larch chiarn püerch, et lura müza gio la s-chiarlata et meta taunter. Et s[ch]a tü vous[ch] chi tegna avert la plagia, schi meta ün pa t largia, mo davo fat igl üt et igl larch chiarn et la s-chiarlata. Cura id ess algua, schi büta aint in üna copa d agua fraida et lava trais od tsching giadas our da agua fraida neta, schi, cun aiüt da Diou giüdaraia.
[f. 86b] Ün sacret conter igl brantt, cura chi s in[n]airescha la plagia.
Chiatta ün gial nair, derva l sü vif et meta l sün la plagia subit chiot, lascha dad üna hura al’autra. Cun bun guvern davo da pezs nets uonscha lass lisuras chi sun sanas cun mizcuogl da porc od da bouf. Sara prova.
Ais ün cos[s]agl per ün chrastiaun chi non po tgnair la ulina. It. tschüsa mürs et couschlas rustraschlas et mangia, 3 dits davo lgauter.
— Scha tü t laschas ardar da agua chiauda et da fö, od puolvra da schlupet, schi piglia ün toc larch da chiarn püerch et lascha alguantar in üna copa da agua fraida. Luhra piglia quel gras, lava l 3 giadas our da agua fraida neta. Fara opra subit.
[f. 87a] Recuors per igl madrun, chi vain dandet or da la fradüra da la planta da igls peis.
Piglia üna taza bun fin vinars et taunt ulina da ufaunts masculins da 2 ons ingio, co igl vinars es, maisda insembal in igl vinars, da gio usche(n)[i]a. Da lunga, in ün ¼ hura, sara bön, tras virtüt da Deis. Od piglia ün bun püschal rauta, fa puolvra, et ün öf frais-ch, meta insembal et piglia paing cula d alp taunter igl öf, lascha couschar et da gio tuot.
