Pagina:Decurtins - Rätoromanische chrestomathie, VII.djvu/46

Da Wikisource.
32 Alchiünas Bellas et Nüzaivlas Histoargias

fer pü superbis ed custaivels pests, co chi’el faiva el ordinariamaing? Cleopatra ariet dad’Anthonium et dschet, chi’ella suletta in üna tschaina vules spender et cus[s]ümer 500000 rainschs. Anthonius giavüschet da vair que, perchie el nun crajaiva, chia que pudes esser. Haun dimena giuvo pe insemel, et piglio ün, chi havaiva [nom] Lucius Plancius, per giüdisch. Il di zieva ivitet Cleopatra Anthonium à pest; l’fet purter avaunt alchiüns trattets da poch momaint. Inuonder chia Anthonius la minchiunaiva et dumandaiva, co chia ella vules chiaver sieu quint net?, chia la stues spender pü custaivelmaing, scha ella vules gnir a daseng da sieu quint Cleopatra stet salda sün sieu pled et l’asgiüret, chi’ella soletta vulaiva sün que pest consümer, la valüta da taunt or, cioe 500000 rainschs. Sün que dalungia [f. 10b] cumandet a seis servituors, chia la purtessen no ün vascheet plain d’aschait. Co tret ella gio da sias uraglias üna da quellas grandas pretiusas perlas et la büttet aint in que aschait, laquela dalungia alguet, et uschea bavet ella our que aschaid cun la perla; mettet dalungia maun eir al’otra perla in l’otra uraglia, et la vulaiva eir quella trer gio. Ma Lucius Plancius currit no et la tgnet ls mauns, et giüdichiet, chia Cleopatra haves guadagno et Anthonius pers. Uschea dimena ho Cleopatra bavieu our ün miracul della natüra, et l’oter ho Plancius spendro. Aqui oda eir que chia Svetonius scriva da Octavio Augusto. Zieva chia Cleopatra havet persvas ad Anthonio, chi’el refüdes sa prüma duonna, chi eira sour da Octavy Augusti, Imperadur Romaun, et la piglies ella per duonna, füt Octavius Augustus co tres zuond gritanto, chi’el gnit cun üna grandischma armeda incunter Anthonium, et il vandschet in üna bataglia daspera Actio, el et tuot sa sudeda. Cura chia Cleopatra vset que, schi ’s matet ella svessa in [f. 11a] sain duos grandas vipras, aciochia ella tres lur töessi gnis amazeda. Ma Augustus, perchie chia el haves gugiend mno cun se à Roma Cleopatram, per ün spettacul, viva, per ün signel dal triumph, cumandet ad ünzachie Psyllis (quists eiran glieud, chi evdaiven in Africa, et havaiven üna singuler natüra et proprieted, chia cun lur preschenscha, spüda, cun lur fled s-chiatschaivane las vippras et zerps et las pigliaiven tuotta lur foarza) chia tattessen our las tettas da Cleopatra, scha foarza la pudessane trer our il töessi, et la salver in vitta. Ma que füt memma tard, perchie l’toessi l’eira ifingio ariveda fina al cour, inuonder chi’ella restet dalungia moarta.

Davart la granda fortüna da Polycratis.

XI.

A Samo eiran trais frars da granda descendentia, Polycrates, Pantagnotus et Syloson. Il pü velg da quists, Polycrates, aciochia el pudes