 |
Questa pagina è stata trascritta e formattata, ma deve essere riletta. | |
GUDEGN PLANTA.
[Chiartas.]
(Ineditum nach dem Autograph des Verfassers.)
I.
Paris 13 d’Avril. 1798.
Voassa chiarta dells 25 Marz d - hæ arfschieu quista damaun. Eau singrazch dellas nuvitædts interessantes chi’ ella cuntaign, et nun hæ manchio da fær üss rispetto allas facultædts in Vucligna et allas reccomendatiuns da Berlin. Cun fær las opportunas rappreschantatiuns jnquaunt allas convenientias noassas politicas, et als intops chia tschearta glieudt mettaronn tar nus à tuottas müdædas da noassa actuæla confusium, sum eau affat da voass parair. Mieus cumpagns nun vulaivan crayer, ma haun müdò parair sün las chiartas gnidas huossa da Cuoira. Eau resguard noassa uniun als Svizzers sco lunic metz dans liberær dalla dependentia dell’aivla et ns render independents, da müdær in bain noass stædi confus dad huossa et da reaquistær il nöss, taunt public co privat. Ma liòs à noassa instructiun, chia nu ns haun vulieu dar libra, dad agir suainter las ciscumstantias. Nun pudains fær pass publics et las pitschnas relatiummettas da speciæla influentia in lur Lyas tegnan aunchia memma à cour à mieus cumpagns (sco chia sun eir stædas lunic retegn da noass amich cumœn la stædt passæda) per chia sexternan, eir bè discursivamaing, sur ls affars publics, ourdvart lur instructiuns. Eau nun hæ hagieu taunts resguards et hæ suotta maun insinuò la divisiun dells Grischuns cun lur vegls suditts in 2 chiantuns, mettand las valls dadains Giülia Alvra et S-chialleta culla Vucligna, et ils oters dadour, eir in ün. Noass capo luogo stuess esser alternative Clavenna et Puschlef; l oter sun tentò da propuonner Tusauna, taunt per sia situatiun nel centro, cu per asgiürer taunt pü l’abolitiun dells privilegis exclusivs et mettar la metropoli pü da löentsch dells confins tudais-chs. Eau s cunfesserò eir, chia la bramma usché fearmamaing externeda da noass metropolits, da sacrifichiær la Vucligna, et cotræs eir nus oters dadains ils munts, per aquistar las 4 signurias svabas. Lur propositiuns da cumöen vschinedi, ad ünna missas avaunt per ades-chier ils oters et mè effectuædas, anzi saimper træs ells svessa
