Pagina:Decurtins - Rätoromanische chrestomathie, VIII.djvu/195

Da Wikisource.
Jump to navigation Jump to search


[p. 18]

L' utuon.

Sur la champagn' pass ün utschè
Chantand in svoul suot sulagl cler,
Con tun amabel clamm' uschè:
„Adieu! eau vegn at banduner!“
5 „Davent aunch' hoz!“
„Lontaun dabot! Lontaun dabot!“
Mieu cour udit sün quaist chauntet
E füt bot saun, bot ammalo,
Dolur profuonda e dalet,
10 Algrezch' e led as haun masdos:
„O cour! O cour!“
„D' dolur? d' algrezcha? rumpast our?“
Vzet cruder üna föglina,
Il cour am dschet: „L' utuon ais cò!“
15 'L giast da sted, la randulina,
Cun el l' amur e spranza vo: …
„Lontaun! … Lontaun!“ … …
„Sperer allur' sarò invaun!“
[p. 19] 20 Del solagl sa splendur lamma
Darchò turnet ed eir l' utschè,
Vzet mieu ögl cun üna larma,
Chantand el am clammet uschè:
„Eterna dmur',
25 „Mo na inviern … … … nun ho l' amur!“

[p. 30] Chanzun della saira.

Il sain d' la not el suna
E clamma a repos,
Il clam da pêsch strassuna
Sur chesas, êrs e prôs.
5 O dutscha pêsch! frequainta
Dels mieus eir lur chamanna,
Per cha lur chaunt palainta,
Onur e lod! at clamma. —