Pagina:Decurtins - Rätoromanische chrestomathie, VIII.djvu/203

Da Wikisource.
Jump to navigation Jump to search


20 Chaveda da sieu maun;
Sa vusch aunch' üna geda
Complaundscha prossma fin:
Ma l' ur' ais calcodeda
Dal temp e dal destin.

[p. 26] Ils duos vents.

Il vent in prümavaira
Ais ün respir d' amur,
Chi vain damaun e saira
A ricreer la flur.
5 Sa lamma melodia
Delibr' il cour oppress,
Intuna l' allegria
E 'ns disch: „Eau sun il mess
A vus da Dieu concess,
10 Ün aungel d' nouva vita!“
Il vent d' utuon strassuna
Nell' orm' ün cling … mortêl,
Sco' l bruonz trembland ch' intuna
Un chaunt da funerel;
15 Sieu maun crudel atterra
L' umaun, la fögl' e flur,
Tuot spoglia sülla terra
E' ns disch: … „Eau 's port dolur,
Sun l' esser destructur,
20 Un aungel della mort!“

[p. 28] La naiv.

Semna, semna pür naivetta
Tias flurinas gio da tschel,
Crouda, crouda süll' ervetta
Stend' e tessa tieu zindêl.
5 Tü, chi vainst d' ün' otra sfera,
Poust tü fors' ans compartir
Da quels prus, sparieus d' la terra,
Da noss chers lontaun sorrir!