Rump’il vadret
Sazi la scorza, chi lönch il stüfchet,
Riast: „haun ruot vilanias
40 Eir las trais lias!“
Güvlast: „eau sun
Libra in fat e na be in chanzun;
Libra, què rest’Engiadina
Scu la rösina!“
[p. 27] 45 „O, scha mieu cour
Co pü nun batta, nel ester eau mour!
Vita nun do la cuccagna,
Be la muntagna.“
„Cridast, mieu frer?
50 O, schi retuorna dal plaun e dal mer!
Tuorna in bratsch a chi t’ama,
Cuorr’alla mamma!
Rösa da god.
Priva da spinas e püra da frod,
55 Norma dell’ot’Engiadina
Pü genuina! —
Peja, s-charpa grossa,
Peja, nun flippir!
Acciò ch’ün possa
Propi liber gnir;
5 Liber da sia scrota,
Chi nun renda brich,
Sch’ella füt in estim
Eir taxeda fich.
E perche taxeda?
10 Per cha quel furbun
Sieu daner sainz’estim
Salv’in ün chantun.
Peja, s-charpa grossa,
Peja, nun flippir!
15 Acciò ch’ün possa
Propi liber gnir;
