Pagina:Decurtins - Rätoromanische chrestomathie, VIII.djvu/308

Da Wikisource.
Jump to navigation Jump to search


298 Simon Caratsch

Ed ils Poëts,
Con lur Sonnets
Pü o main drets,
Quasi sulets
80 Scrivan Romauntsch.
[p. 77] Engiadinais!
Perchê mettais,
Sco vain pretais,
Uschê poch pais
85 Sün vos linguach?
Fintaunt cha l' IN
Cuorra contin
Da SEGL fin TSCHLIN,
NOS PLED LADIN
90 V' lains conserver!
[p. 78] Gian Fadri Caderas.
Avaunt tuot, AMIH sincer,
Bun SCRIVAUNT e bun NUDÊR;
HOM D' AFFÊRS fichun contschaint,
ADVOCAT eir traunteraint.
5 Svelt e brav CORRESPONDENT
E dal fö zelant AGENT.
Diligiaint RAPPRESENTANT,
Con las Damas zuond galant! …
Dellas Vaidguas protectur,
10 Vice GÜDISH - MEDIATUR,
Prüm POET romauntsch - ladin,
Fatsch' arduonda sco GAMBRIN.
Barba grischa — ün bel nês,
GALANTHOM eir três a três.
15 Da PROVENZA laureat,
Defensur del CELIBAT!
A MADRID füt decoro,
A SAMEDAN ais placho.
Oltre tuot quaista lavur
20 Fo el aunch' il REDACTUR. —
— Il ritrat ais uossa qui
Da nos cher Sar GIAN FADRI!