Pagina:Decurtins - Rätoromanische chrestomathie, VIII.djvu/31

Da Wikisource.
Jump to navigation Jump to search

Poesias 21

Cò üngün mê nu 'm salüda,
Chi 'm voul bain üngün nun ais.
Ne 'ls infaunts nun am charezzan,
Sco chi 's fo in nos pajais.

45 Sch' eau pü lönch vess da ster quia,
Schi stuessa sgür morir
Dalla grand' increschentüna,
Ch' eau nun poss bod pü soffrir.

[p. 56] Cour mieu cour, in nom del Segner,
50 Sapchast uossa t' adatter;
Scha Dieu voul, schi puderegia
Bod a chesa mia turner. …

17.

(Annalas XVII.)

[p. 56] Sun il dottur Gian Giachem Spröd,
La glieud curesch a mieu möd,
Se fer, cha 'ls orvs darcho saun ir
E cha 'ls strupchos a vair paun gnir.

5 S' fidand in me ün paziaint,
Po 'l fer il prüm sieu testamaint;
Eau our dal muond üngün tramet,
Aunz cu sieus fats ch' el mett' in net.

Mas curas sun fich bunmarcho,
10 'Na vouta sula vegn duvro.
Eau am containt da que cha' m daun,
He chüra d' els, scha 'ls pigl a maun.

Da Coir' ais quist il stil ch' eu tegn,
Ch' el ais probat a tuots mantegn,
15 Cha ogni mez effet stu fer
Il dottur Spröd po bain gürer.

18.

(Annalas XVII.)

[p. 56] In ma giuventüna
Vegn in trusch adüna.
Solum per guarder,
Scha 'm füss reuschieu
5 Con ün bun partieu
Co da 'm cumpagner;