 |
Questa pagina è stata trascritta e formattata, ma deve essere riletta. | |
| Las Strias, Superstiziun e fantasia | 341 |
Corina. Pür massa guaivda.
Trist ais seis giodair!
Cur ch’üna duonna reist’abbandunada
Amò nels melders anns da si’ età
E sto far quint sün vita isolada,
Allura ais qua trist.
Ach schi, puchà!
Paulina. Schi tschert, puchà! Eir cur cha mezs non mancan
Per indutschir l’amar del greiv fasch;
Schi ais listess, — ’na vita isolada —
Egual ün insla aint in mez il mar.
Perquè perdun, scha quella duonna tschercha
Nel viver social ün tschert surleivg.
Corina. Essendo tü a quella duonna s-chüsas
L’express ’imbütt da massa bler favlar,
Schi t’ vögl descriver l’hom, dal qual giavüschas
Ün sclerimaint pro dit medem afàr.
Quel hom ais ün famus doctur da ledscha,
U pür co’ l nom vulgar dit „ün jurist“,
Ün galanthom, chi guida e chi redscha
L’inter comün. Seis nom ais: docter Güst.
Paulina. Ün advocat ais quel? —
Ün advocat;
E que ün bun e bricha ün tschavat.
Laprò ün hom da pled e conscienzia,
Chi vol güstia tal e qual, sco’ l nom;
Dottà con bun organ ed eloquenza,
Con flegma e profonda cognoschentscha
Giod’el l’opiniun dad’ün brav hom.
Paulina. Schi, schi! Que’ m para tot sco calculeva
A prüma vista, cur ch’eu il vezzèt, —
Udind sa vusch frapante ch’intoneva
E seis motivs, chi saimper spicoleva,
Ch’el sia ün da quels — per seis sachet.
Cur l’hom non bada la raschun d’ün oter
