Pagina:Decurtins - Rätoromanische chrestomathie, VIII.djvu/400

Da Wikisource.
Jump to navigation Jump to search


Docturs e ministers, scrivants e levits,
275 Legals e sergents, sco pür eir sacerdots,
Chi tot in flagrante qua gevan intuorn,
A spadlas da quist decadü reginam.
Ach frars! … Che incunter, dschet Balser dadot,
Chi qui as preschainta: „Il mond ais currot!“ —
280 Ma Chasper con calmo il reprendet dschand
„Con quistas canaglias, non ais pers il mond.“
Doctuors e pitanas — san bain s' abinar,
Els fan e dissolvan … … e tuornan a far
Lur quints e mixturas, recettas e plans
285 E straiglian e tondan, sch' ün croud in lur mans.
Pero, la natüra non ha be charduns,
Frouslèrs e spinatscha u claffs e culüms,
Ma eir plaktas bunas — il gran e' l formaint, …
Mailers e tschireschas con nuschs, glin e chanv,
290 La vitt e l' oliva, sper dattels, figèrs …
Ed homens, chi quintan e sun exemplars.
Sün que poi tschögnettan ün prossim levit,
Chi veiv' ün idea d' ün hom pü pulit,
Per ch' el gniss con nus sü' l palazz' a mussar
295 La zella d' Herodas, dschand — pe' l salüdar.
E factum, sün s-challas … e lung coridors
Pertot eran vespras, eir qui fand lur gests,
Ma nus trettan via contin ignorand
E tandem podettan rivar pro' l regent.
300 Dal qual Balser dscheiva da tant s-chandulus: …
Quist raig sto sgür esser — pü pluffer co prus.“
Entrats, ans paret quel ün hom hypocrit,
Con vista s-charnida, … ma l' ögl d' ün astut,
Chi sper furbaria tradiv' eir leiv senn,
305 Superb' e grandezza nel far e contegn.
La teista ornada da barb' e chavèls
E promt da favella, Sanctscrit ed Hebraic,
Da media statura, ma gelg … sco ün stramm,
Preziss, sco havess qua sett anns pati famm.
310 O pover pechader, dschet Balser planet:
„Ta tscherr' at tradischa, tü sgür non est net,
Teis far e teis esser ans disch massa cler
Tü sias perüna — con tot quist vesprer.“