Pagina:Decurtins - Rätoromanische chrestomathie, VIII.djvu/404

Da Wikisource.
Jump to navigation Jump to search


Perse, cha qui siccals u svessa talents
Fluittan a millis e na be a tschients,
Per far la conscenza del güdisch plü net;
435 Siand, il daner pro tschert merls, pro far tot,
Dschet Chasper, con cour comovü sospürand. … …
Usche repassettan in quels plü 'navant,
E mera! Nus gnittan sün quints tutelars
Da orfans, da guaivdas e disfortünads,
440 Per quals ogni stadi surpigl ün dovair,
Chi tant corresponda, a quel del plaschair
D' entrar con la forza, tras ledscha protect
Sur chosa privatta, — sot agien seis tet;
Percio, eir proteger e bain survagliar,
445 Cha quella sostanza … … eir stova … reistar … …
Pe' l bain dels pupils, affidads e manglus.
Istess, nus vezzettan eir qua quints eistruss,
Da siccals e siccals, plü siccals e tant,
Chi tot consümeiva, — na be' l vanzamaint,
450 Ma plan a plan svess eir la nuorsa e' l tschot.
Ma ais que possibel, cha güst sia tot? — …
Dschet Chasper in furia, rabgià fin als daints;
Ach frars! Giain davent qui, eu vegn malpaziaint.
Quist ais ün calfacter, tiran, … assaschin,
455 Hom sainza caracter, chi tend' a butinn,
Ch' eu sun gnü sadoll da complet seis mal far,
Perque as giavüsch frars, lascha' ns bandunar.
Chaspar: E güst nel procinto da v' lair bandunar, —
Rivett qua il raig con ün grand sco nudêr
460 U Canzler, il qual dapertot eir' a flanc
Con sia doctrina, cusaigl e comand,
Soffland in plüs cass, svess al raig seis tschantschar
A senso la ledscha, — sco far e laschar;
La quala l' astut e malign personal
465 Saveiva da storscher e render … egual
Al bsögn, ch' el dovreiva a seis avantach,
Tenor nus vezzettan lejand … tras seis acts,
Examens, banidas, con taxas e quints,
Visitas localas e skizzas, dissegns
470 E sias sentenzas, sco tots documaints,