Pagina:Decurtins - Rätoromanische chrestomathie, VIII.djvu/407

Da Wikisource.
Jump to navigation Jump to search


550 Ed uossa, ans dschet el, vögl eu — sco amis
Tratar sur la chosa — rapport Lur giavüsch:
Nos güdisch pro nus vain compost our da blers,
Qua eu, il perfet, co' l notar — e divers
Chi quintan da serio fich pac nel affar,
555 Essendo lur maxima ais — approvar
Que, ch' eu e' l notar qua stimmein bain da far.
Schapür poi, ch' ün entra in discusiun,
Schi lasch eu per regl' al notar dir il prüm
Seis sabi cussaigl, qual eu lura confirm;
560 Usche, cha la causa vain sainza savair
Fatta gio, sco cha nus duos volein lur havair.
Seccants, sun pro nus qui — incunters civils
Frizà da jurists u magnats con indschigns,
Sco pür üna mass' affarets polizials,
565 Chi mossan imbruogls, bler plü grands co ils mals;
Pro' l che, sch' eu als poss qui servir con cusaigl,
— Schi sto ün straigliar, ma straigliar que per bain; …
E quist, na solet per motiv — d' interess —
Ma eir per sdüsar la manie da prozess.
570 Eu sa, ch' Els dscharan, ma d' inuonder survgnir,
Cur l' ün dellas parts non podess que suplir!
E pür, per sdüsar la manie sto ün tour
Da l' ün u da l' oter — sainz' oter vair our,
Siand, ch' ellas sun qui la cuolpa del mal
575 E devan … portar — eir il paiver e' l sal:
Tot oter, poi sun ils affars criminals, —
Qua ais qui il stadi, chi port' ils giavaigls,
Il qual, poi non guarda, scha lung oder cuort,
Be ch' ün sia promt d' indichar eir da scort.
580 Rapport la condann' ais ün pa punderus,
Istess, 'vain il merit darcheu be nus duos,
Sco dit fingia prüma — qua eu e' l notar.
Siand, cha nos güdisch tot soul' approvar.
In tot quists affars, pero ais disturbant
585 Udir qua perdüttas e provas — e tant, —
Ch' eu con ün pled technik nomnet apparat.
— La chosa, chi vala pro mai il plü pac.
Udir testimonis, tant plü qua lontan
U ediziuns — requirir ais tot vann;