Pagina:Decurtins - Rätoromanische chrestomathie, VIII.djvu/409

Da Wikisource.
Jump to navigation Jump to search


Sustgnand la raschun qua dal rich e povret.
630 Quist ais tenor mai ün princip da lodar,
Chi merita stim' ed ais degn da salvar;
Perque lasch minch' ann eu l' ultim di pasqual
Ir our il comand, cha tot giuven e vegl
Da meis inter stadi a Sion dess gnir
635 Avant l' arsenal, acio possan sentir
L' inter operat da lur raig, qua nell drett,
Conform … nos princips ed üsanzas da fat.
Chi pensan Signuors, che 'na fuolla da gliout,
Chi qui vain insembel, nan pro dapertot. — … …
640 E cur ch' eu retegn cha tot sia preschaint,
O sia, — ch' im spordsch' eir il melder momaint,
Allur' am preschaint eu tot franc al balcun
E con vusch sonora, perse — sot meis nom —
Acclam eu „Silenzio, silenzio“ pro tot,
645 Cha' l raig hoz con vus vol favlar ün peer pleds.
Subit ais que flipp, chü' n non oda plü scrosch
Usche, ch' eu allura con totta ma vusch
Comaint a favlar „Üna s-chüsa“ … da tact,
Cha eu e' l notar con fadi 'avain fat.
650 Chi' m s-chüsan Signuors, qui nel pult ho ün sbozz
Da quel meis discuors, ch' eu salvet qui l' ann scuors
Dschet el, giand al pult spert, il sbozz per tscherchar
Intant, cha nus trais stevan qua a spettar.
Chasper: Appain' ün minut, schi savet el chattar
655 Il sbozz, qual el poi comanzet a preleer,
Con tunn resolut e sonnorica vusch
Sco füss qua ün public, del tot grandius:
Redonanza: Herodas vos güdisch, vos raig, vos ajütt
As port hoz seis simpels, … ma intims salüds,
660 Salüds patriotics, salüds famigliars
A vus tots meis sudits, meis pövel, meis frars.
Il scopo del ei ais da granda valur —
Pro clera survista da nos güdichar,
Siand ün pür lura qua dorma containt,
665 Ingio chi regn' uorden, — da die e not temp.
Herodas, vol quindi far cler a minch' ün
Ch' el viv' e con el eir güsti' e raschun.