5 La glüna sclêrischa
La val rumanzada,
Eu ’t guard o ruinada
Baselgia cassü.
E sur ta ruina 10 La tschiera chi ’s stenda
Sco vegla legenda
Del veider passà.
Meis ögl na distingua
Plü quai chi ’l circonda, 15 Insembel cufonda
Visiun et realtad.
[p. 32]
Il comün nel silenzi.
Il comün nel silenzi
Uossa taidla sömgiond
Las anticas tarablas
Cha la val vain quintond.
5 Minchatant il guitader
Sa chanzun fa dudir,
El passà, nel silenzi
Darché tot tuorn a gnir.
Eir las uras chi battan 10 Dal clochêr pac davent,
Ün pa tremblan nel aier
E svanischan cu ’l vent.
Be eternas splenduran
Sü nel ôt stailas d’or. 15 Che ma hast tü da batter
Usché ferm o mis cor?
[p. 35]
Sco albs utschés tuornan.
Sco albs utschés tuornan las stanglas vailas
In lunga stribla qua al port ardaint,
Uossa cha pac a pac vegnan las stailas
Tmüchas as ivüdond in Oriaint.
