 |
Questa pagina è stata trascritta e formattata, ma deve essere riletta. | |
| 570 | Andrea Vital |
del term grec: baukalion, Gefäss (Diez I, 57; W. I, 58). Ma buchel (Eng. ota) Maulkorb, derivains da buocha (cf. quaist).
albierg (Eng. ota e bassa, Surselva e Surset), m., Herberge; cf. albergo (ital.); albergue (spagn. e portug.); alberc (prov. antic); auberge (franz.); derivo suainter Diez (I, 10) da heriberga, chi significha propriamaint: Schutzort des Heeres, nel tudais-ch antic, mo dilatet fin a sia fuorma odierna eir il senso in ricover generel. L’„e“originari dvainta nel romauntsch sovenz „ie“, p. ex. gnierv per nervus, vierm per vermis, vierv per verbum, tschierv per cervus, tierm per terminus, dimena eir albierg impè d’alberg, abbain cha l’e repiglia sieu prüm post in alberger = der albierg v. beherbergen (cf. quaist).“
Seguonda secziun.
„Der, pl. die, best. Art. il. l’, pl. ils.
ich, pers. Fürw. eau.
haben, v. avair.
Güte f., bunted.
heute, adv. hoz.
geizig, adj. avar, avarizius, crempel, gitti, tangher, trebel.“
Il program conclüda, indichand las condiziuns d’abonnamaint ed invidand il public da ’s abonnar mediante üna zeddola congiunta, chi eira da trametter alla „commissiun centrela per il Dizionari retoromauntsch a Samedan“.
In cuort temp füt raccolt il numer sufficiaint d’abonnents, e la stampa del dizionari podaiva comenzar. Usche as calcolaiva almain, ma il calcul füt fos. Nos autur, in sia conscienziusità e scrupulusità quasi pedantica non eira mai complettamaing satisfat da sia lavur. El comenzet uossa darcheu a müdar, correger, complettar ed in fine a far üna elaboraziun tuot nouva dell’ouvra. In quaista lavur il surprendet la mort inexorabla.
Pallioppi non avaiva üna constituziun fisica güst robusta e schlassa, ma tant pü sana e tenace. Evitand strapatschs insolits e chürand sia sandà scrupulusamaing, avess el podü viver facilmaing amo ün pêr decennis. Ma seis stüdis perseverants, seis sistem da non lavurar be tuotta di, ma regolarmaing fin tard aint per la not, seis nosch adüs a fümar quasi continuamaing durante la lavur e da lavurar pertal sovent in üna tschiera da füm: tuot quaist, sco chi ais facil da comprender, avaiva indebli sia natüra. Üna feivra gastrica, chi’ l surprendet la prümavaira del 1873, non
