Pagina:Decurtins - Rätoromanische chrestomathie, VIII.djvu/591

Da Wikisource.
Jump to navigation Jump to search


Landamma Zaccaria Pallioppi 581 Che 'ns muossa la comparaziun del dizionari progettà da Zaccaria Pallioppi con quel publichà da seis figl? Quell' ans comprova, sch' eu non am sbagl, cha l' ouvra del bap eir üna eminenta lavur scientifica, il resultat da stüdis filologics profuonds, ma cha 'l dizionari nella fuorma preschainta correspuonda plü allas esigenzas pratticas da nus romantschs, sainza perder sia valur scientifica. D' assumer nel dizionari ils omonims da tuot las linguas romantschas e l' etimologia exacta da tuot ils pleds non ha grand scopo, causa cha pro 'ls scientiats as sto podair premetter la cogniziun exacta da quaistas chosas, e cha quellas pel laic non han la valur correspondenta alla lavur, chi vain domandada. Rev. Emil Pallioppi … ha perque fat bain d' abstrahar da que. Percunter ha el inrichi il dizionari sensibelmaing ed a grand avantag da medem, inserind in quel our dalla seguonda part dell' ouvra da seis bap tuot ils noms locals engiadinais. … Üna combinaziun plü fortünada dellas esigenzas scientificas e dels bsögns prattics non s' avess podü chattar. Conclüdand mia simpla relaziun biografica e literaria da nos poet e linguist, non poss far da main d' aggiundscher amo ün pêr poesias, dedichadas … ad el da seis frars in Apollo e chi denoteschan in möd evidaint la veneraziun da tuots per quel, chi ha lavurà plü co minchün oter per nossa lingua romantscha e ha fat per ella ils plü grands sacrifizis. In üna poesia, chi porta il titel: Il merit della poesia 1) disch Conradin Flugi il seguaint: Tü dot Pallioppi, maister nella lingua, Del tuot poet intens e cordiel, Tieu vers correct surtuot our as distingua, Chi bain l' inclegia e 'l chatta cler e bel. Tü sopra tuots at hest do grand' fadia, Per metter nos romauntsch ladin al cler; El viverò e la memoria tia Resta assaimper col romauntsch favler. — E nos Caderas onorescha l' ami e collega in sias Nouvas Rimas 2) nel seguaint möd: A Zaccaria Pallioppi. Al cour favella dutschamaing … ta rima, Perchè l' ais figlia da tieu cour sincer; Nell' orma sdasda quell' essenza prüma, Chi voul a Dieu noss sentimaints drizzer. 1) Fögl d' Engiadina, An 1867, Nr. 3. 2) G. F. Caderas, Nouvas Rimas, pag. 18.

PPN345572629_0024-0590.xml