Pagina:Decurtins - Rätoromanische chrestomathie, VIII.djvu/61

Da Wikisource.
Jump to navigation Jump to search


Poesias 51

5 Chi in ün vers, chi nel oter,
Bger ans tuocha da soffrir;
Il pü grand bain s' ho per oter,
Ch' ün nun so dal avegnir.
Ogni mel bainbod sparescha
10 Sco ün sömmi nella not,
E' l chalcho as ristorescha
Eir qualvoutas bain dabot.
Inavaunt schi train adüna,
Nun guardand pü sül passo,
15 Cha per nus qualche fortüna
Da qualvarts fors' ais pino.
Sainza pü ch' üngün s' agreiva
Cun pisser e taunt travagl,
In il firmamaint begl leiva
20 Sün damaun darcho' l sulagl.
[p. 70] 39.
(Annalas XVII.)
Pover me sch' eau gniss scuvert
Da pleds, sch' eau dschet cul cour avert,
Schi sgür cha' m bastunessan.
Que ch' eau he dit, schi tuorn a dir:
5 Lur trat nun ais da compatir,
As vergogner stovessan.
L' ambiziun, superbg' e füm
In hoz sun gnidas in costüm
Intraunter giuventüna.
10 … S-chettezz' in els, sincerited
Nu' s chatta pü brich in vardet,
Ne secretezz' üngüna.
Traunter las giuvnas impostüt
La misfidenz' ais il prüm püt,
15 L' invilg' e maldicenza.
Faun snös e perdan il respet
A giuvens prus ed inandret
Con lur impertinenza.