Pagina:Decurtins - Rätoromanische chrestomathie, VIII.djvu/612

Da Wikisource.
Jump to navigation Jump to search


602 Andrea Mohr … memoria, „A Philippum … vigilantem.“ Eir scha nus direct dad el non possedain ingüns manuscrits, ne imprimats ladins, dimperse be modestas … e sparsas, ma fich interessantas restanzas, ed eir quellas be sco per cas conservadas in ovras dad oters, dalla fortüna materiala plü favorisats 5 co el, schi avain nus tantüna in el d' arcognoscher e da venerar il prüm autur e promotur da nossa literatura ladina, il prüm preceptur ladin tanter ils ladins. In conclusiun da quaist chapitel ed ant co passar alla seguonda perioda da nossa literatura stampada, am permet dad inserir ün pêr copias 10 plü grandas our dal nov Testamaint da Bivrun ed our dals psalms da Champel. Bainschi han Els fingià gnü avant ögls qualche cuorts citats. Ma per mossar plü bain il möd da scriver da noss prüms auturs romantschs, tant quant alla fuorma co quant al contenuto, non sarà inütel da reprodüer qualchosa plü lung e plü complet. Per chi' s possa confruntar inandret eir l' ortografia 15 … da quel temp con quella d' hoz in di, m' ha eu tgnü eir quia, sco nels oters citats, strictamaing all' ortografia dels imprimats Originals, quantinavant … … cha nossas stamperias han ils tips toccants. Tscherts segns, chi sun uossa antiquats e non sun avant man nellas provisiuns da nossas stamperias, stovet eu natüralmaing laschar davent.