Pagina:Decurtins - Rätoromanische chrestomathie, VIII.djvu/64

Da Wikisource.
54 Gian Battista Sandri

[p. 72] Eau sarò dimena
50 La pü prüma quia,
Chi spett’il partieu,
Cha la sort am do.
Maungel u fadia
Gnand ün di’ m chalcher,
55 Schi poss eau’ m trer via
Cun mieu lavurer.

[p. 72] 41.

(Annalas XVII.)

Ün cour alleger e containt
Ais pü cu ün tesori,
Sco eau nu’ l barattess per taunt,
Neir pel plü grand tesori.
5 Quel as po bain clamer beo
Co in quaist muond e fortüno,
Ün tel, chi quist bain gioda
E sieus effets eir oda.

Nel pü felice giodimaint
10 D’algrezcha, pesch, fortüna
E del pü bel divertimaint
La svreschla giuventüna
S’abüsa bain suvent da quel
E perda sieu temp il pü bel,
15 Tgnand per la sia fortüna
Da’ s marider adüna.

Nun faun zuond brich üngün refless
Sül cuost, dal quêl as tratta,
Tres quist tant fich bramo success
20 Da crusch e da combatta.
Per lur cuvaid’e volunted
Büttan davent lur liberted,
Chi non po gnir retratta,
Cur cha la buzr’ais fatta.

[p. 73] 25 Scha que vo bain, as po taschair
Cha main ais la fadia;
Ma quaunts ramarics s’ vess d’avair,
In giand per otra via.