 |
Questa pagina è ancora da trascrivere o è incompleta. | |
Carezia della sora.
(Nach Igl Ischi, S. 178, 1907.)
Co senumna bein sin tiara
La pli sontg’ e ferm’ amur?
Arda quella tier la mumma?
Ell’ embratscha cauld siu fegl,
Ed embratscha mo sesezza
Ella poppa de siu égl.
Quei ei buca sin tiara
La pli sontg’ e ferm’ amur.
Co senumna bein sin tiara
10La pli sontg’ e ferm’ amur?
Arda quella tier la spusa
Ord ils egls sco steilas clar?
Spetga, spetga, quellas steilas
Ardan baul ord stgira mar.
15Quei ei buca sin tiara
La pli sontg’ e ferm’ amur.
Co senumna lu sin tiara
La pli sontg’ e ferm’ amur?
Va tier la fideivla sora
20Vul amur ti encurir!
Si’ amur ei ina gelgia
El flurir ed el murir.
O carezia della sora,
O ti sontg’ e ferm’ amur.
Niev Calender.
(Nach Calender, S. 28, 1901.)
Niev calender, di, tgei portas?
Meila cotschna, diras tortas,
Sco il sac de Sontga Clau?
O jeu sminel: rosas, spinas,
5 Clars solegls, cametgs, brentinas
Has per mei ti mischedau.
Buc empiar’ il niev calender!
El sto quescher, el sto spender,
Quel leusi ha fatg il quen.
10Lez patrun ei nunveseivels,
Mo tutina buntadeivels,
Curch’ el dat e cur ch’ el pren.
Niev calender — veta nova!
Mo lavura e sedrova,
15Pren il temps, ch’ il Segner dat!
Meins arrivan, onns svaneschan
Sco striaunas che floreschan
Sin las pezzas dis de stad.
Il calender vegn en stiva,
20Fors’ in led futur arriva
E ti sas decormein rir.
Fors’ la mort sin esch compara
E ti statas sper la bara,
Pauper tei, lu sas bargir.
25Quei calender sez sto ceder,
Spert il niev remplaz’ il veder,
Ah sil mund ei vanadat!
Noda si en quei calender
Ovras che negin sa prender
30Per igl onn d’ eternitat.
