 |
Questa pagina è ancora da trascrivere o è incompleta. | |
25Cantadurs o cantaduras
Ed il chor dils innocents
Contan uss en sontgas uras
Las canzuns — tes testaments!
En „Surselva“ „flurs alpinas“
30Ein sin fossa flurs carinas.
Mo sur tut vegn la regina
Sur las steilas tei undrar,
In „Magnificat“ adina
Sas ti ussa leu cantar,
35Alla Mumma benedida
Senza macla concepida.
In matg silla fossa da G. C. Muoth.
(Nach Annalas, S. 235, 1907.)
Oz ina vusch cun il clom da tristezia resuna
Tras las montognas e vals della patria grischuna:
Giu dalla pezza alpina las Musas descendan,
Suenter las rivas dil Rein cullas undas serendan,
5 Sper il Calanda se ferman en chor condolent,
Anflan en bara cuschend igl amitg exellent.
Nieblas dunschalas, vus musas en malacurada,
Vus cul tizun flamegiont en la dretga sbassada,
Prest el torrent uss’ stizai vossa facla morenta,
10Gni cun ils matgs pil tschupi de carezia ardenta,
Viv ornament silla fossa al spert genial,
Giest monument a nies Muoth, il poet immortal.
Giu dal Tumbiv, il Parnass sursilvan descendidas
Ein las Camenas tier tei sper la tgina vegnidas,
15Han a tiu cor regalau en masira compleina
Quella fontauna de rimas profund’ e sereina,
Sin igl altar della patria cun sontga fervur
Leu deponidas da tei en canzuns de valur.
L’ olma dil pievel grischun en tristezi’ e legria
20Viva cattein palesada tier tei tuttavia
Leu en pertratgs sco uals che descendan las spundas,
Tscheu en accents ramuronts sco dil Rein sias undas:
Gniarva dils Grischs cun lur pugns ded itschal has undrau,
Viarva romontscha cun gnierv de granit has cantau. —
25Ora sils camps glorius tiels campiuns en battaglia,
Meinas el spert ils valents cun balladas de vaglia,
En las camonas alpestras e casas grischunas
Mein nus cun tei, ch’ en humor e satira rischunas
Novas e veglias bravuras dils pigns e dils gronds
30Legras e trestas nuviallas de quels e tschels onns. —
