 |
Questa pagina è stata trascritta e formattata, ma deve essere riletta. | |
| 20 | Florin Camathias |
Il catschadur semeina silla vart de Schlans
E mira pauc sils fatgs d’agricolans.
En sala applaudeschan ils auditurs attents,
695E la massera metta ils nums dils hosps presents
Al buob en la capiala e tut ei spert d’accord
De far uss in’entschatta cun trer pils nums la sort.
Il Victor arv’il cedel e legia cun snavur
Il num dil Zievi Liver, che ha gl’emprem l’honur.
700Quel stat sper Floribella, pertratga in moment —
Pren neunavon curascha e resda cun talent:
Ina historia de Breil.
Sur Tavanasa silla spunda dretga
In giuven mat ha giu la queid’anetga
In di ded Uost de bandunar la grunda
705De ses clavaus per far puspei la runda
En la contrada sco in catschadur
Enstagl sin ses misès luvrar de pur.
El pren la lontscha ruver enferrada,
Ch’ins sa duvrar per fest sin quolm e prada
710E siu balester grond el pren en bratsch,
Ch’el ha empriu de stender sco mattatsch,
E gits paliats, ch’el ha fatg entschallir.
Armaus aschi’ entscheiva el ad ir
Encunter l’aulta tuora de Zignau,
715Sin selvischinas gl’egl el tegn mirau.
Castials claustrals da lunsch, Castliun, Cartatscha,
E sin ils pezs las bastiuns de glatscha,
La vall de la Cadi el contemplescha
El clar solegl, che giud il tschiel sclarescha.
720El ves’il pez Tumbiv el clar sclarir,
Sin lezza vart dil Rein il mat vul ir.
Entuorn Darvella enten la planira
Stat la salin en spigia gia madira.
Las spundas soleglivas ein segadas
725Ed han furniu als contadins fenadas.
Uradis han dau anim al risdiv,
Ch’ornesch’ils praus cul verd pli clar e viv.
Il catschadur semeina silla vart de Schlans
E mira pauc sils fatgs d’agricolans
