Pagina:Decurtins - Rätoromanische chrestomathie, XII.djvu/92

Da Wikisource.
62 Florin Camathias

Vesend, tgei possa quei compogn haveva.
Ed il patrun remiedi encurreva
2230De metter ord ils peis il tribel schani:
„Va giu gl’uffiern, fumegl, tiel capitani
E ses gidonters e fai dar la frina,
Ch’els han da mei gia miult! Dat ei carplina,
Sche buca spargna pugns! Cheu ein ils sacs!“

2235Il fegl digl uors risvolva or ils pacs:
„Quei ei satgets e buca sacs!“Dus bos
Sturnesch’el, mond vi el nuegl davos,
E tila giu ils tgirs e fa in sac,
Cusend cun trau, ch’el sieua tut in smac.

2240Cul sac curom el va giu el mulin,
E dils demunis tema el buc in. —

„Dei en quei sac la frina dil patrun!“
„Va per tiu fatg, ti uors, curios lapun!“

„Dei neu la frina, digel jeu a vus!“
2245„Va ord ils peis, ti schani mutschignus!“

E nies fumegl segli’ en al directur
Cun gretta d’uors e fridas de snavur,
El messla sin quels muliners futî,
Ch’els han che trembla igl entir tschurvi.
2250Bugen els dattan al fumegl la frina,
Ch’els metschien mo da tema e furtina.

La sera cun siu sac - curom bein plein
Retuorna il fumegl tut saunamein.
Encunter il patrun el selamenta:
2255„Quels muliners, quei ei sfarfatga schenta!
Vies graun de moler dei in’autra gada,
Zanua pli datier. Quei ei bargada!“

Il pur in auter di puspei termetta
Siu schani tier la schenta smaladetta,
2260Daners per far leu empristar. El quetta —
Quei va pli vess. Quei cuost’ad el la veta!

Il fegl digl uors fa puspei obedientscha,
Va egl uffiern de buna regordientscha,