 |
Questa pagina è stata trascritta e formattata, ma deve essere riletta. | |
| 658 | Otto Carisch |
A tonatont nus sagirescha la s. Scartira a niess Salvader sezz, ca Deus seigig in bab da carezia, sabi, buntadeivel, tuttpussent a veglig mai igl bien da ses uffonts. Er da sia veglia po ei pia bucca depender, scha igl diember d’ils malvantireivels ei oung schi gronds: Ner duvessen nus crer, fuss ei pusseivel, ca nies bab celestial vess plantau el sezz schi profundamein igl desideri dad esser vantireivels enten igl cor d’ils carstiauns, a tonaton lura recusau ils miez, da rivar tier la vantira schi cauldamein desederada. Na, mes auditurs, quei ei bucca pusseivel, quei sa lai bucca crer dad in bab tuttpussent a pleins da carezia. Alla fin sto ei pia tonaton depender da nusezz, scha aschi paucs daventan vantireivels ad än cuntents da lur sort. A sagiramein dependa ei er da nus, a dependa principalmein da nus, parchei a nus ubbadin bucca suenter duver agl antruvidament de niess Salvader, cur el clomma: Rimneias bucca scazis dalla terra, ils quals ils mulauns a la ruinna lavgian, ad ils laders vegnen tier ad angolan; mo vus rimneit scazis d’igl tschiel, ils quals nè ils mulauns nè la ruinna lavgian ad ils laders pôn bucca tier nè angular.
[p. 3] Quont pli ampurtont quei antruvidament da niess Salvader ei: tont pli eis ei er niess duver dad igl prender a cor; ad a tala fin lein nus pia considerar la suletta via da vegni tiers vantira ner dad esser vantireivels. Ella nus ven a daventar clara cun igl agid d’igl Segner, scha nus vasein a nus parchirein specialmein da dus grevs errurs: d’igl errur schi ordinari risguard agls scazzis sin terra, a d’igl errur bucca meinz ordinari a pernicius risguard agls scazis d’igl tscheel.
A ti, Bab celestial, d’igl qual tutta glisch, tutta l’antalgienscha dalla vardad a tutt bien duñ ha da vegnir, fai fricheivla nossa devoziun enten quest ura, tiers megliurament, cunfiert a salid da bearas olmas! Amen.
1.
Ils scazis en ner sin terra descrive niess Salvander sco tals ca seigian en prigel da gnir lavagai d’als mulauns a dalla ruinna, ad angulai d’ils laders. A scheit, m. a. desideront da daventar vantireivels, eis ei bucca principalmein scazis grad da quella sort, suenter ils quals la plipart d’ils carstiauns sa stallegian a d’ils quals els spechian specialmein lur vantira? Eis ei bucca igl possess da rauba d’igl mund ca stat alla plipart [p. 4] igl pli a cor? eis ei bucca l’hanur ca savunda lundrora, ad ils dalegs ca van uni cun ella, en suma, eis ei bucca caussas mai da quest mund, mai dalla terra, a ca cuozzan mai par igl temps ca nus nus aflein sin terra, ca la plipart d’ils carstiaunns anqueran da s’appropriar, spichiond dad els specialmein lur vantira? A giudicond enten lur partrachiaments, scha ei seigian vantireivels ner bucca, masiran a peisan ei la vantira
