Pagina:Fontana - La polpetta del Re.djvu/46

Da Wikisource.

— 44 —

QUADER XII.

Mader e Fioeu.


Da ona part la tór dove ghè saráa dent el Scianin. — Tecc de casasc intorna e mur de fortezza; el palazz real in fond. — L’è nott. — Luna.




El Scianin (in preson).


Gnao! Gnao!... Pover’a mi!

     Quand vegnaroo foeura de chì,
     el sarà per andà a morì!
     Ah, boja d’ona famm,

     che tir che te mée fáa!

Ona Vôs (de lontan).


Scianin! Scianin!

El Scianin.


                         Chi l’è che m’ha ciamáa?
Asen che sont! Chi l’è che pò ciamamm!
Chi l’è che anmò pò regordass de mi?
De mi, poer disperáa,
nassuu per savè no come mangià,
e sulla forca condannáa a morì
perchè sont vorsuu andà
a contra el mè destin!