 |
Questa pagina è stata trascritta, formattata e riletta. | |
| — 55 — |
e, in men che non se disa, al poer Scianin
ghan miss intorna al coll on strafforzin...
— «Ah Mamma! Mamma!» — hin stáa
i sò ultim paroll... E l’è restáa
tacáa su alla cordetta,
cont i oeucc sbarattáa
e cont foeura di dent tant de linguetta!
Ma, proppi in quell moment, s’è scadenáa
el temporal; e giò tronad, tempesta,
e acqua, e vent; e giò sajett a mucc!
Coi fazzolett in testa,
Boja, Giudes, Soldáa, ghe la dan tucc...
Quand, tutt a on tratt, la Scianna, saltand giò
da ona pianta de fò,
la mogna: «Ah, el me fioeu, sont chì a salvatt!»
