Pagina:Goldoni - Opere complete, Venezia 1908, II.djvu/475

Da Wikisource.

LA PUTTA ONORATA 465

Pantalone. La tioressi? (a Bettina)

Bettina. Sior sì.

Pantalone. Quanto voleu?

Catte. Oe, l’ho comprada co m’ho fatto novizia da quel orese de la Fortuna1, che sta per andar a Castello, e gh’ho dao vintiotto lire2, che ghe giera presente mio compare Tita, che anzi el m’ha impresta cinquanta soldi, che me mancava. Ho podesto tocar3 diese volte un zechin anche da la pistoraa. La ghe domanda, se la xe la veritae; ma per esser elo, e acciochè la gh’abbia mia sorela, per un zechin4, se el la vol, ghe la dago.

Pantalone. Tiolè, questo xe un zechin; e vu godè la turchese per amor mio.

Bettina. Grazie, sior Pantalon.

Catte. (Anca questo xe bon. Chi no se agiuta, se niegab). (da sè) Senti, sorella, vogighe ben sa a quelo che t’ha dona la turchese.

Bettina. E come che ghe vogio ben!

Catte. Puoi esser che un zorno el sia to mario.

Bettina. Così spero.

Pantalone. Comuodo? Olà? Diseu da seno?

Bettina. Via via, sior Pantalon, noi staga subito a montar su i zimbani5.

Pantalone. Basta, la descorreremo. Sappiè, fia mia, che con quel sior Marchese, che v’ho dito, avemo taccà barufa. El s’ha protestà, che per amor, o per forza, el ve vol menar via; e so che ghe xe zente pagada, che sta notte ha da vegnir a buttarve zoso la porta. Son sta avisà da un dei so omeni, che me cognosse, e che me vol ben.

  1. Venditrice di pane.
  2. Chi non s’aiuta, s’annega. Conviene adoperarsi, e affaticarsi, e ghiribizzare per cavarsi di stento.
  1. All’insegna della Fortuna.
  2. La lira veneta valeva allora lire italiane 0,546 e suddividevasi in 20 soldi, il soldo in 12 bagattini.
  3. «Tocar bezzi, pigliar danari, per lo più vendendo la sua mercanzia»: Boerìo cit.
  4. Lo zecchino, o ducato d’oro, pari a 22 lire venete, valeva allora lire italiane 12.012 circa
  5. A mettersi in isperanza, e gloriarsene.  1
    1. Zimbano o cimbano, cembalo.