Pagina:Goldoni - Opere complete, Venezia 1908, II.djvu/501

LA PUTTA ONORATA

491

Nane. El zagnuco refila¹.

Menego. Che cade^a. Con un scalfo de chiaro^b, la giusteremo. Vien qua, picolo dai boletini. (al ragazzo)

Ragazzo. Piase?

Nane. Chiò sto da vinti, vane a chior un boccal de quel molesin². Dighe al capo che te manda Cainelo; ch’el te daga de quelo che el dà ai so amici. Hastu inteso?

Ragazzo. Sì ben.

Menego. Fa presto; no te incantar, che te darò una gazzeta^c.

Ragazzo. In do salti vago e vegno. (parte)

Menego. Sentemose, camerata?

Nane. Son qua.

Menego. Dime, com’ela de sto foresto?

Nane. Ben. El me dà a mi solo un ducato al zorno, e da magnar e da bever; e col vol andar a do remi, el paga lu quel de mezo.

Menego. Bisogna ch’el sia molto rico.

Nane. Ho sentio da un camerier de la locanda, ch’el xe del so paese, che i soi no i gh’ha pan da magnar.

Menego. Donca, come la stichelo?

Nane. Oe, co le sfogiose^d.

Menego. E el mantien la machina^e?

Nane. O ela lu, o lu ela.

Menego. Tienla conversazion?

Nane. Flusso e reflusso.

Menego. A la locanda?

Nane. Sì ben, a la locanda. Cossa credistu che sia le locande?

Menego. Xela bela sta to parona?

Nane. O de so piè, o de son man^f, la fa la so maledeta fegura.

Menego. Abitazzi³?

Nane. Aria e ganzo.

1. Tira vento, è freddo.
2. Con un boccale di vino
3. Due soldi
4. Colle carte da giuoco.
5. Donna di partito.
6. O naturalmente, o per artifizio.

1. Che importa.
2. Morbido, delicato, dolce.
3. Accrescitivo: abiti di lusso.