 |
Questa pagina è stata trascritta, formattata e riletta. | |
| 596 | ATTO TERZO |
Menego. No vustu che i li spenda volentiera? I li vadagna cantando. Anca mi una volta ho servio una cantatrice. La gh’aveva tre merloti che la serviva; mi tirava el salario de tuti tre, senza che un savesse de l’altro, e in fin del mese spartivimo co la mare de la vertuosa.
Nane. Ti spartivi co so mare?
Menego. Giusto con ela.
Nane. Gierela mo veramente so mare?
Menego. Mi crederave de sì, perchè ho sempre sentio a dir: mare segura e pare de ventura.
Nane. Mi mo ho cognossuo de le vertuose, che gh’ha de le mame postizze.
Menego. Caro ti, dime, come hastu fato a saverlo?
Nane. Co le xe in colera, le dise tuto. A star in casa se scoverze i più bei petolonia del mondo! A quanti marii, a quanti fradeli ho sentio co ste recchie a muar el nome!
Menego. T’arecordistu de quel foresto, che ti ha servio za do ani, ch’el gh’aveva la machina1?
Nane. De quelo che me dava un ducato al zorno?
Menego. Siben, de quelo, come xela andada?
Nane. L’ha pianta la nosab, e l’è andà a Ferrara.
Menego. E ela?
Nane. E ela la xe restada a Venezia.2
Menego. A cossa far?
Nane. A far dei passaporti per Franzac.
Menego. La farà poche facende.
Nane. Perchè?
Menego. Perchè al dì d’ancuo co trenta soldi se va in Franza, e con un ducato se toma indrio.
