 |
Questa pagina è stata trascritta, formattata e riletta. | |
| 317 |
colidochi, e se stempera e se corrompe la massa del sangue, e tra la convulsion prodotta nella diramazion dei nervi, e tra la corruzion che se forma nel sangue, scorrendo questo con troppa espansion per le vene anguste del cerebro, se produse una apoplessia, la macchina no resiste, e se mor sulla botta.
Conte. Oimè! Voi mi avete atterrito; mi palpita il cuore; parmi avere delle convulsioni.
Guglielmo. Gnente; no la gh’abbia paura, son qua mi. Bisogna subito temperar sto fermento acre e maligno; bisogna rallentar el moto ai umori con delle bibite acidule, e corroborar el ventricolo con qualche elesir appropriato. La vaga a una speziaria, la fazza delle bibite de qualche cosa teiforme, e la se fazza dar una confezion, o un antidoto, o un elettuario, e sora tutto la procura de farse dar una presa de elettuario del Fracastor, che xe el più attivo e el più pronto per regolar i umori tumultuanti e scorretti.
Conte. Addio, vi ringrazio; vado subito, e non perdo tempo, (via)
Guglielmo. Anca sta volta l’ho portada fora con una tirada da medico; con un ipocondriaco ghe vol poco. Gh’ho messo un spaghetto in corpo, che per un pezzo no l’anderà più in collera. Ma cossa fa sta Leonora, che no la vien fora? Figureve do donne curiose, le farà un mondo de pettegolezzi. E mi cossa faroggio? Dove anderoggio? Come poderoggio repiegar adesso, che de più gh’ho una femena al fianco. Una bella finezza m’ha fatto sta cara Leonora. Basta, son un omo onorato, e siben che in ancuo no gh’ho per Leonora tutta quella passion che gh’aveva una volta, son in debito de sposarla, acciò che no la vaga de mal.
SCENA XVI.
Il Marchese d’Osimo e detto.
Marchese. (Che fa costui intorno alla casa di D. Livia?)
Guglielmo. Oh, m’aspetto dal sior Marchese un altro complimento, compagno a quello del sior Conte.
