Pagina:Goldoni - Opere complete, Venezia 1910, VII.djvu/212

Da Wikisource.
Jump to navigation Jump to search


Brighella. Con permission de vussustrissima. (a Pantalone)

Pantalone. Mo via, che m’ ave lustra abbastanza.

Brighella. Ghe domando umilmente perdon, patrona mia riveri- tissima, (fa una riverenza a Corallina)

Corallina. Grazie infinitissime. (fa una riverenza)

Brighella. Perdoni, per amor del cielo, el disturbo. Corallina Oh, gnente affatto!

Brighella. No saveva che la fusse coir illustrissimo patron.

Pantalone. Mo via, disè cossa che volè, e destrigheve.

Brighella. No vorria che la disesse che l’ è troppo ardir.

Corallina. Eh, parie con libertà.

Brighella. La vede ben, l’ è la necessità che me fa parlar.

Pantalone. Oh, che seccagine!

Brighella. Dirò ...

Corallina. Mo via, disè, parie, butte fora.

Brighella. Vorria supplicarla ... Per amor del ciel, la me per- dona.

Pantalone. Debotto no posso più.

Brighella. Vorria supplicarla che la se degnasse de far dar ... La prego de compatimento.

Corallina. De far dar ...

Brighella. Da merenda ai barcarioli dell’ illustrissima mia pa- drona.

Pantalone. E tanto ghe voleva?

Brighella. E se la se contentasse ...

Pantalone. Tomemio da capo?

Brighella. Anca a un so umilissimo servitor.

Pantalone. Mo ande là, che no me faria servir da vu, gnanca se me dessi a mi do zecchini al zomo.

Brighella. Perdoni, illustrissimo.

Pantalone. Basta, basta ; andè, cara Corallina, deghe da merenda a lu e ai barcarioi ; deghe quel che i voi, destrigheve e tome qua, che v’ aspetto.

Brighella. Grazie umilissime alla bontà de vussustrissima.

Pantalone. Ande, andè, non occorr’ altro.