 |
Questa pagina è stata trascritta, formattata e riletta. | |
| LE DONNE GELOSE | 129 |
Arlecchino. Me par che la vegna. Vólela parlar ela, o vólela che parla mi?
Baseggio. No, no, quel che gh’ho da dir, ghe lo posso dir anca mi.
Arlecchino. Vólela restar sola, o vólela che ghe sia anca mi?
Baseggio. Co la vien, voggio restar solo.
Arlecchino. Donca la me manda via?
Baseggio. Via, andè.
Arlecchino. No posso miga andar, se no la me manda.
Baseggio. Andè, che ve mando.
Arlecchino. No basta.
Baseggio. Ma cossa ghe vol?
Arlecchino. Bisogna mandarme a far qualcossa.
Baseggio. Ma cossa?
Arlecchino. Per esempio, mandarme a comprar del tabacco, mandarme alla posta, mandarme al caffè.
Baseggio. Via, andè a tor del tabacco.
Arlecchino. La me favorissa i denari.
Baseggio. Tolè sta lirazzaa.
Arlecchino. Bravo! Vago a tor el tabacco, e acciò che el sia fresco, lo fazzo pestar, e no vegno se no l’è pestà. (parte)
Baseggio. O che facchin desgrazià! Tanti e tanti de costori i fa cussì. I chiappab possesso in t’una casa e i vol magnar. Se fusse innamora in siora Lugrezia, starave fresco a passar per le man de custù. Eh mi, co fazzo l’amor, no vôi mezzetinic! Fazzo da mia posta, e vadagno la sansaria.
SCENA IX.
Siora Lugrezia e sior Baseggio.
Lugrezia. Chi ghe xe qua?
Baseggio. Siora Lugrezia, patrona...
Lugrezia. Oh patron, sior Baseggio.
Baseggio. La compatissa, sala, se son vegnù a darghe incomodo.
