![]() |
Questa pagina è stata trascritta, formattata e riletta. | ![]() |
LE DONNE GELOSE | 149 |
Giulia. Mio mano da culìa?
Tonina. Ma zitto, no la lo saveva?
Giulia. Ah desgraziada! Vôi chiamarlo.
Tonina. No, cara ela, no femo sussurri.
Giulia. Mio mario...
Tonina. Zitto, se la me vol ben.
Giulia. Oh poveretta mi!
Tonina. La vegna drento.
Giulia. Voggio andarghe drio.
Tonina. Mo via, la vegna drento.
Glulia. Ah siora Tonina! son sassinada. (si ritirano)
Chiaretta. Oh, co stufa che son de ste zanaea, e per quel che i me conta, a Venezia ghe ne xe assae de sti marii e muggier. Vago vedendo1 che sarà meggio che me marida de fuora.
SCENA XIV.
Sior Todero di casa di Lugrezia, serra e parte; e dette.
Tonina. Mio mario? (sulla porta)
Giulia. Zitto, siora Tonina. (trattenendola)
Tonina. Da la vedoa mio mario?
Giulia. No la l’aveva visto?
Tonina. Siora no, aveva visto sior Boldo.
Giulia. E mi aveva visto sior Todero.
Tonina. Dov’èla2 custia? Che la vegna fora.
Glulia. Mo via, la gh’abbia prudenza.
Tonina. No me posso tegnir.
Glulia. S’arrecordela cossa che l’ha m’ha dito a mi?
Tonina. Donna del diavolo! (verso il balcone di Lugrezia, ed entra in casa)
Glulia. Striga maledetta! (fa lo stesso)
Chiaretta. Vovi, vovib! (entra)