Pagina:Goldoni - Opere complete, Venezia 1910, X.djvu/241

Da Wikisource.

LA CAMERIERA BRILLANTE 233

Pantalone. Ma cossa t’importa a ti?...

Argentina. Sì, lo riceverà il mio caro papà. (gli fa dei vezzi)

Pantalone. Papà ti me disi?

Argentina. Il papà vuol bene alla tatta.

Pantalone. Sì, te voggio ben.

Argentina. E lo riceverà.

Pantalone. Mo per cossa?...

Argentina. Lo riceverà il nonno; lo riceverà.

Pantalone. Anca nonno?

Argentina. Il bel nonnino!

Pantalone. Vustu fenirla co sto dirme nonno?

Argentina. Il nonnino bello, il papà bello, il padrone bello, che mi vuol tanto bene! Eccolo, eccolo. Venga, signor Ottavio. Signor sì, per la sua Argentina lo riceverà. Oh, guardate chi dice che non mi vuol bene? Signor sì; mi vuol tanto bene, e per amor mio lo riceverà. Caro papà! lo riceverà. (parte)

SCENA V.

Pantalone, poi Ottavio.

Pantalone. Chi poi responder, responda. La m’incanta, la me incocalisse1; e no so cossa dir. Mi son de natura piuttosto caldo, piuttosto furioso; e custìa la me reduse co fa un agnello. Velo là ch’el vien el sior Ottavio. La gh’ha dito ch’el vegna, e el vien. Mi so che premura che gh’ha custìa per sto sior Ottavio, perchè Flaminia ghe xe innamorada, e chi sa che Arzentina no gh’abbia gusto che marida le mie putte, sperando po dopo che mi la voggia sposar? No la la pensarave miga mal. Questo xe giusto quel che penso anca mi. Xe vero che la me dise che son vecchio, che la me dise papà, che la me dise nonno; ma vedo che la me vol ben.

Ottavio. Servitor divotissimo, signor Pantalone.

Pantalone. La reverisso, patron.

  1. Mi rende stupido. Vedasi incocalio, vol. II, p. 555, n. a.