 |
Questa pagina è stata trascritta, formattata e riletta. | |
| 48 | ATTO PRIMO |
versazion, e adesso el sarà capace quel vecchio matto de portarghe qualche saludo.
Traccagnino. Oh diavolo! volì che el pader fazza el mezzan alla fiola?
Pantalone. El poderave farlo anca innocentemente. Qualchedun ghe dise: sior Dottor, salude vostra fia; e lu: sior sì, la sarà servida. Ela se mette in ardenza, e po... so mi quel che digo. No voggio el Dottor, no voggio nissun. No voggio che mia muggier pratica con nissun. Adesso in sto ponto voggio scazzarlo de casa mia in una maniera che no l’averà più ardir de vegnirghe.
Traccagnino. Per amor del cielo, sior padron, no la fazza sussurri.
Pantalone. Eh, che quel vecchio no me fa paura.
SCENA IX.
Agapito e detti.
Agapito. Si può venire?
Pantalone. Oh sior Agapito, ve reverisso.
Agapito. Vi ho da parlare.
Pantalone. Compatirne, gh’ho un affar de premura.
Agapito. Si tratta di guadagnare cento ducati in tre o quattro giorni.
Pantalone. Oe, Traccagnin, va al solito buso, va a véder cossa che i fa, e sàppieme dir. (piano a Traccagnino)
Traccagnino. Sior sì, vado. (Eh, co se tratta de quattrini, el se scorda la zelusia). (da sè, parte)
SCENA X.
Pantalone e Agapito.
Pantalone. Son qua: son da vu. Cossa comandeu?
Agapito. Vi è un amico mio, che ha bisogno di mille scudi, può essere per tre o per quattro giorni, e ancora per più,
