Pagina:Goldoni - Opere complete, Venezia 1911, XII.djvu/129

Da Wikisource.

LE MASSERE 123
Donna Rosega, presto. Tre volte ho comandà,1

E po dirè, co vegno, el pan no xe leva.
Rosega. Chi me chiama?
Momolo.   El forner.
Rosega.   Seu vu, forner?
Momolo.   Son mi.
Rosega. L’avemio da far subito?
Momolo.   Subito, siora sì.
Rosega. Che ora xe?
Momolo.   No vedeu? l’alba che sponta fuora.
Rosega. Oh malignazonazzo!2 perchè vegniu a st’ora?
Me pareva caligo, vedendoghe pochetto.
Co xe cussì a bonora, voggio tornar in letto.
Momolo. Via, za che se levada, da brava, destrigheve3.
Rosega. Cossa voleu che fazza? sola me vien la freve.4
Se vegnissi anca vu a agiutarme a domar...5
Vegnì, caro forner.
Momolo.   Cossa me voleu dar?
Rosega. Tutto quel che volè. Faremo una fugazza;
Gh’avemo del vin bon, ve ne darò una tazza.
Ne xe avanzà da gieri un cappon tanto fatto6;
Ghe dirò alla parona che l’ha porta via el gatto.
La crierà un pochetto, e po no sarà gnente.
Caro forner, vien suso. Staremo allegramente.
Che te averza la porta?
Momolo.   (Squasi, squasi anderia).
Rosega. Vustu che vegna?
Momolo.   Sì.
Rosega.   Vegno zo, vita mia. (entra)
Momolo. Intanto magneremo, e po cossa sarà?
Se no torno a bottega, el paron crierà.

  1. «Cioè ha tre volte invitato col suo fischio chi ha pane da fare a porsi all’opera» Cameroni, l. c.
  2. Malignazo, maledetto (non come imprecazione, ma per impazienza) V. vol. VIII, 115 n. g.
  3. Spicciatevi, sbrigatevi.
  4. Febbre
  5. Rimenare la pasta V. Boerio.
  6. Grasso: vedasi vol. III. 331 ecc.