![]() |
Questa pagina è stata trascritta, formattata e riletta. | ![]() |
IL CAMPIELLO | 321 |
Lucietta. Adesso ti xe granda,
Gnese, oe vàrdeme in ciera,
Zogheravistu in t’un’altra maniera?
Gnese. Via, ghe lo deu quel fior? (a Zorzetto, irata)
Zorzetto. Subito, siora.
Cossa gh’aveu con mi? Mo che desgrazia!
Cossa mai v’oggio fatto?
Gnese. Uh mala grazia! (parte)
SCENA V.
Lucietta e Zorzetto.
Culìa la te vol ben.
Zorzetto. Giusto! una volta;
Ma adesso no, vede.
Lucietta. Anzi più adesso.
Co la giera puttela,
No la pensava miga a certe cosse;
Adesso la ghe pensa, e el se cognosse.
Zorzetto. Anca mi, se ho da dir la verità,
Ghe vôi ben in t’un modo,
Che mai più l’ho provà. Ma a sti desprezzi.
Cara Lucietta, no son uso.
Lucietta. Pòrteme el fior, Zorzetto, vien dessuso.
Zorzetto. Quel che volè; gh’ho voggia
Che parlemo un tantin.
Lucietta. No ti è più fantolin; quanti anni gh’astu?
Zorzetto. Sedese, o disisette.
Lucietta. Mio zerman1
S’ha maridà de quindese.
Zorzetto. Mo adesso
- ↑ Cugino.