 |
Questa pagina è stata trascritta, formattata e riletta. | |
| I MORBINOSI | 429 |
Za savè che la festa xe deboto fenia.
Anderemo a Venezia. Quel che xe sta, xe sta.
Ma partimo d’acordo in pase e carità.
SCENA V.
Felippo e detti.
Come s’ha prencipià, e che tuti stupissa.
Quando che andemo via, l’ha ordenà una tartana;
L’ha laorà in do ore per una setimana.
Che xe dele peote, gondole in quantità.
Soni, canti e baloni, e luse in quantità.
Con alegria in laguna staremo infina di.
Tonina. Ma voggio mio mario senta arente de mi.
Felippo. Cossa gh’aveu paura, che i ve ne magna un toco?
Tonina. Eh che no savè gnente, povero sior aloco.
Mi so quel che ho passà, cognosso Giacometo,
E no voggio che el vegna a far de zenochieto.
SCENA VI.
Betta, Catte, Anzoletta, Toni e detti.
Catte. Anderemo anca nu.
Anzoletta. De sta sorte de spassi no ghe n’ho abuo mai più.
Toni. Arecordete, Cate, che te vol star darente.
No te vôi sbandonar in mezzo a tanta zente.
S’avemo da sposar; poco ne mancherà;
E avanti de sposarte no voria novità.
Tonina. Fè ben, cusì me piase.
