 |
Questa pagina è stata trascritta, formattata e riletta. | |
| 348 | ATTO PRIMO |
Rosina. Ve dirò, ve farò confidenza de tutto. Ma vardè ben no me tradì, no me abbandonè.
Traccagnino. (Che è galantuomo, che non è capace, che è buon compatriotto, e per la patria, salvo l'interesse, s’impegna di far di tutto. ) Rosina. Sappiè donca, sior Traccagnin, che mi son una putta.
Traccagnino. (Fa qualche maraviglia sull' esser ella fanciulla.)
Rosina. Sior sì, la xe come che ve digo. Son senza pare; mia mare, poverazza, xe vecchia; xe qualche anno che nissun me comanda; m’ha sempre piasso la civiltà, la pulizia; m’ha sempre piasso, onestamente per altro, praticar assae, e più coi forestieri che coi bergamaschi. Xe capità a Bergamo un certo sior Ridolfo napolitan; el m’ha piasso, gh’ho fatto l’amor un anno; el m’ha dà parola de torme, e sul più bello el m’ha dà una brava impiantada1. El xe andà via senza dirme gnente. Ho savesto da un so amigo ch’el xe a Venezia. Ho chiappà suso2; gh’ho ditto a mia mare che andava con un’amiga in campagna, e m’ho messo in viazo, e voggio andar a Venezia, e se trovo costù, voggio ch’el me mantegna la parola. Voggio ch’el me sposa, e se nol vorrà, e se el farà el matto, o lo farò cazzar in t’un camerotto3, o ghe cazzerò un cortello in tel stomego, e ghe insegnarò a trattar colle putte da ben, colle bergamasche onorate.
Traccagnino. (Che non vorrebbe entrare in imbroglio, e che avesse da spender quei pochi soldi che ha.)
Rosina. No abbiè paura de gnente. Gh’ho tanto spirito che me basta per salvarme mi, e per liberarve vu d’ogn’intrigo.
Traccagnino. (Che assolutamente non vuole impicci.)
Rosina. Caro sior Traccagnin, no ve domando altro che un poco de compagnia. Se le cosse se imbrogierà, sarè sempre a tempo de poderve cavar. Possibile che gh’abbiè sto cuor de abbandonar una putta, una zovene, una patriota?
