 |
Questa pagina è stata trascritta, formattata e riletta. | |
| UNA DELLE ULTIME SERE DI CARNOVALE | 191 |
.jpg)
ATTO TERZO.
SCENA PRIMA.
Domenica e Polonia.
Domenica. La xe cussì, fia mia, come che ve conto.
Polonia. Tutto averave credesto, ma no mai che quella vecchia s’avesse incapricià de quel putto.
Domenica. Poverazza! La vorave el quarto mario.
Polonia. E se vede che l’al vol zovene.
Domenica. No crederave mai, che Anzoletto fasse sta bestialità.
Polonia. No lo credo cussì minchion; e po no m’ala dito che s’ha dichiarà de volerla sposar?
Domenica. Sì, cussì l’ha dito; ma bisogna sentir cossa che dirà mio sior padre.
Polonia. Sentiremo. No parleli insieme adesso?
